“Kodima” -lehtesen radnikad vastsihe lugijoidenke Šoutjärves
Šoutjärven vepsläižes etnografižes muzejas kerazihe äi ristituid, miše nägištadas “Kodima” -lehtesen pätoimitajanke da toimitajanke. Vepsläižen külän eläjad vaumičiba küzundoid lehteses, heile oli melentartušt tedištada, mitte om toimišton radpäiv, miččil paginoil voib kirjutada lehtesehe da kut lehtesen nomerad oigetas toižihe röunihe. A pätoimitai Galina Baburova mugažo satrinoiči “Kodima”-lehtesen istorijas, radnikoiš da avtoroiš.
— Oliži hüvä, miše mugoižed vastused mänižiba paksumba da tegižihe tradicionaližikš, ved’ mö olem ihastusiš nägištadas vepsläižen lehtesen radnikoidenke, sanui Šoutjärven vepsläižen etnografižen muzejan pämez’ Natalja Anhimova.
Vastusele tuliba eskai pened lehtesen lugijad — Šoutjärven školan openikad.
