Änižröunas vaumištadas Vägestusen päivän praznuičendaha

Lapsed ühtniba mastar’-klassaha, miččel ühtes vanhembidenke hö tegiba rindripked Georgijan lentaižespäi. Kuva: Kalagen školan Internet-lehtpolelpäi

Vägestusen päivän vepsläižes Kalagen elontahos — Kalages, Toižeges da Kaskezas — mäneba mitingad. Küliden eläjid keradasoiš muštpachištoidenno muštelmaha Suren voinan aigan kolnuzid saldatoid, kudambad kaičiba mad vihanikoišpäi.

— Nügüd’ meiden školas vaumištadas necikš sureks praznikaks. Ei amu 5.—10.-klassoiden openikad puhtastiba tahon muštpachidenno. Mugažo lapsed ühtniba mastar’-klassaha, miččel ühtes vanhembidenke hö tegiba rindripked Georgijan lentaižespäi, starinoičeb Kalagen školan pämez’ Svetlana Gotič.

Vägestusen päivän Kalagen školas mugažo tehtas praznikaline koncert: lapsed lugeba runoid da pajataba pajoid voinan polhe.