Petroskoin konservatorian ezizalas avaitihe Karjalan Taidehpirdajiden sebran uz’ ozuteluz. Kaiked ičeze kuvid eziti sebran 14 taidehpirdajad.
Ozutelusel om ezitadud eriaigoiden kuvad, miččed oli pirttud erazvuiččen prozan da runotuen täht. Sigä oma kuvad klassikan da nügudläižen čomaliteraturan täht, lapsiden sarnoišpäi ”Kalevala”-eposahasai. Päazjan ozutelusel oma kuvad Karjalan avtoroiden töihe.
— Tägä om ozutadud minun kuvad ”Vepsän man sarnad”-kirjan, ”Kalevalan” vepsän kelel da Nina Zaicevan ”Virantanz”-vepsläižen eposan täht, sanub Karjalan Taidehpirdajiden sebran ühtnik Aleksei Maksimov.
Om melentartušt, miše kaikutte taidehpirdai tegeb ičeze intepritacijan literaturižihe kirjutusihe, kävutab ičeze kuvadandtehnikad. Kaiked ozutelusel om ezitadud 81 kuvad. Ozuteluz om avaitud 28. uhokuhusai.