TOS: ruato jatkuu
Viime vuuvven loppuh šuaten Karjalašša rekisteröitih 583 TOS:ie, kumpasista 87 ilmešty vuotena 2023.
Vuosien mittah toteutettih TOS:ien 647 sosialisešti merkittävyä projektie. Niistä vuotena 2023 toteutettih 89 projektie-voittajua yhtehisellä šummalla 64,8 miljonie rupl’ua, kumpasista 55,4 miljonie rupl’ua on annettu Karjalan tašavallan b’utžetista.
Šuosituimpie projektišuuntija ollah: kunnoštamini (26 projektie), talon yhtehini omaisuš (20 projektie), teijen ta liikennehinfrastruktuurin objektien korjauš (13 projektie).
— TOS:ien jäšenet šuoritetah aktiivista ruatuo ta kerrotah omista projektiloista ta šuavutukšista sosialiverkoissa. Niin, oman enšimmäisen projektin Belomorskin TOS “Rannan” jäšenet piätettih omistua piha-alovehen kunnoštamisella, šentäh kun pihan läpi ajamini aiheutti vaikeukšie asfaltin pahan kunnon ta autojen pitopaikkojen pienen miärän takie, kerrotah Karjalan kanšallisen ta alovehellisen politiikan ministerijön spesialistit.
Meijän piha on meijän huoli -projektin rajoissa piha-aloveh asfaltoitih, ajotie Voroninin katu, 2 -talon vierellä korjattih šekä peruššettih autojen uušie pitopaikkoja. Projektin yhtehini šumma oli 990,8 tuhatta rupl’ua, kumpasista 890,0 tuhatta rupl’ua oli annettu Karjalan tašavallan b’utžetista.
