Omin silmin –programmua on kahtu kerdua enämbi
Nygöi Rossija 1- kanualal televiizoras kanzalliskielisty Omin silmin -programmua voibi kaččuo nelli kerdua nedälis – tossargen, kolmanpiän, nellänpiän da piätenčän, 9.34 aigua, hedi yheksäčuassuhizien uudizien jälles.
— Omin silmin vähäzel lyheni, nygöi se kestäy 22 minuuttua. Sidä endizelleh rubiemmo azumah karjalakse, suomekse da vepsäkse ven’ankielizen tekstukiännöksenke. Jatkutah endizet rubriekat-programmatgi: Kirjakamari, Kotosalla, Kotikokki, Tolkun pagin, Muuzikkuvideo da erähät toizet. Ližäkse pluanois on luadie uuttu fil’mua da programmua. Uvvennu vuvvennu Omin silmin on ”sellinnyh uuzih sobih” – on azuttu uvvet algu- da loppukuvat, net ollah nygyaigazembat da čomembat. Tänävuon roih valmis Omin silmin –programman uuzi stuudiigi, -sanou Karjalan ruadivon da TV:n kanzallisikielizen toimituksen piätoimittajan sijahine Ol’ga Ogneva.
Tv-uudizii karjalan, suomen da vepsän kielel rodih vähembi. Viestit Karjala –uudisprogrammua ozutetah kaksi kerdua nedälis – tossargen da nellänpiän 9.00 aigua. Programmu kestäy 30 minuttua.
Kai uudizet da pitkät programmat voibi löydiä Viestit karjala –sivul youtube-portualal, vkontakte sociualuverkos, facebookas, da Karjalan TV:n kodisivuloil: tv-karelia.ru
