Урок 9 Спряжение глаголов в настоящем времени

Прочитай и прослушай текст. 

Найди все глаголы и определи, в какой форме они находятся. 

Выпиши и найди в словаре все незнакомые слова.

Tämä on Mikko. Häi eläy Piiteris. Mikol on kaksitostu vuottu da häi opastuu školas. Školas hänel on äijy dovariššua – tyttyö da brihaččuu.

Kaikis enimäl Mikko suvaiččou lugie. Sih händy opasti Anni-buabo. Briha lugou kaikenmoizii kirjoi – dinozavroih, kosmossah, sportah nähte.

Školas Mikko opastuu anglien kieldy, se händy miellyttäy. Jälles školua briha iče opastuu vie suomen kieldy. Mikko on karjalaine, ga maltau paista omah kieleh – karjalakse. Sih händy opastettih buabo da died’oi. Hyö eletäh Vieljärven kyläs da paistah karjalakse hyvin. Kezän aigua Mikko puaksuh on heijällyö, kezoittau järves, ongittau kalua died’oin kel, yhtes hyö kävväh marjah da gribah.

Mikko suvaiččou sportua. Häi kižuau jalgumiäččyh. Heijän jalgumiäččyjoukos on yksitostu hengie – kai brihačut.

Mikon muamo ruadau bol’ničas, häi on liäkäri. Tuatto ruadau šouferinnu. Häi ajelou suurel gruuzumašinal. Mikol on pieni sizär Nastoi, hänel on kaksi kuudu. Nastoi nimidä ei rua – vaigu syöy da maguau.

Mikko suvaiččou suovattupäiviä, konzu kai pereh on kois. Sit hyö paistah sih nähte, kui meni nedäli, da syvväh šipainiekkoi, kudamii muamo pastau.