Oma pajo -kuoro esittäy mielehisie lauluja
Karjalan kuklateatterissa kevätkuun 1. päivänä pietäh Yhtes-nimini konsertti. Šiinä esitetäh lauluja kuoron ohjelmistošta šekä näytetäh videoita kollektiivin arhiivašta.
Karjalan rahvahan kuoro oli peruššettu vuotena 1990, pandemijan takie viime vuotena juhlatilaisutta ei pietty.
Kuoron ohjelmistošša on kanšanlauluja, tanššija, piirileikkijä šekä luatijan lauluja karjalan kielen eri murtehilla šekä šuomen kielellä. Vuotena 1995 kuorolla hyväkšyttih Rahvahan kuoro -arvonimi. Še lämpimäšti otettih ta nytki otetah vaštah eri kaupunkien ta maijen lavoilla.
Kuoron johtajana on Karjalan anšijoitunut kulttuurialan ruataja L’ubov’ Nikitina, konserttimeštarina on Radis Gainijatov.
Konsertti alkau Karjalan kuklateatterissa enšiarkena klo 18.30. 6+
