Oraškuun 9. päivänä kello 11.30—17.00 Petroskoissa Karl Marksin ta Kirovin katujen rištevykšellä rupieu toimimah Kuolomatoin rykmentti. Karjala -kenttä. Kentällä voipi šuaha tietuo šukulaisešta, kumpani taisteli šovan aikana Karjalašša, vaššata kyšelyn kyšymykših, kirjuttua veteranin nimi Muistokirjah.
— Kentällä niise järješšetäh Muistošeinä, kunne voipi kinnittyä oman Šankarin valokuva, šekä ošallistuo videon kuvuamiseh ta kertuo kameralla oman perehen istorijašta, šelitetäh aktijon järještäjät lehistötiijošša.
“Enšimmäisien liikeh” viettäy kentällä oma aktijo “Voiton ikkunat”. Šielä voipi kirjuttua erikoisen šotaoperatijon ošallistujilla kirjasie. Šamalla kentällä järješštäh vanhojen valokuvien kunnoštamisen palveluo, kumpasen joka halukaš voipi šuaha.
Tänä vuotena Kuolomatoin rykmentti -aktijuo ei pietäh perintehellisešša muuvvošša, ka vaihtoehtuo on kekšitty äijän, jotta jokahini voipi muistua Voiton päivänä veteraniloista ta šovašša kuatunuista.