Egläi “Inkeri” -hor ezini Petroskoin lüterilaižes pühäkodiš da starinoiči kundlijoile männuden voden satusiš.
Hor pajati hengeližid, rahvahiden da avtoroiden pajoid Petroskoin lüterilaižes pühäkodiš. Edel ezitust sen ühtnikad tegiba männuden voden ühthevedod.
— Tradicijan mödhe mö tegem voden tegonsatusen. Täl vodel ajelim koncertoidenke Sortavalan, Lahdenpohjan agjoihe, ezinim Kondopogas da Petroskoiš. Ühtnim erazvuiččihe pajofestivalihe. Semendkus völ ajam Viborgaha da kun lopus ezinem koncertanke Petroskoiš, starinoiči horan ühtnik Irina Kolomainen.
Johtutam, “Inkeri” -hor oli sätud vodel 1990 Karjalan inkerilaižiden suomalaižiden sebran tomotusen mödhe. Vodel 1994 horale anttihe “rahvahan kollektiv“ -nimi.