Jogavozne “Saneluz karjalan da vepsän kelil” -akcii tehtas Karjalan da vepsän kirjutuzkeliden päiväks. Sil akcijan ühtnikad kodviba ičeze kodikelen tedoid.
“Saneluz karjalan da vepsän kelil” -akcii mäneb jo 11. kerdan. Akcijaha ühtneb ristituid erazvuiččiš Karjalan agjoišpäi da toižiš tahoišpäi, kus eläba karjalaižed da vepsläižed. Tobjimalaz sanelusen kirjutamižen pätahon om Petroskoi-lidn. Täl vodel akcijan tegeb “Vepsän kul’tursebr” Karjalan rahvahaližen da regionaližen politikan abul.
— Meile om mel’he nece akcii. Kaikuččen voden sihe ühtneba ristitud, kudambad tahtoiba kodvda ičeze kodikelen tedoid da mahtoid. Muite-ki hö ihastusiš keradasoiš ühthe: pagižemha toine toiženke, diskutiruimaha miš-se. Vaumičendrad akcijaha om jo zavodinus: nügüd’ valitas sanelusiden lugijad, sanelusiden kirjutamižen tahod da iče tekstad, sanub “Vepsän kul’tursebran” pämez’ Larisa Čirkova.
Täl vodel sanelusiden tekstad linneb omištadud perehen tradicijoile da kal’huzile.
“Saneluz karjalan da vepsän kelil” -akcii tehtas Karjalan pämehen grantoiden fondan raha-abul.
Enamba tedoid voib sada akcijan VKontakte-gruppas.
Uzištoid neciš temas voib lugeda mugažo suomeks da karjalaks.