Käsityömuasterien ammattikunnan uuvven projektin rajoissa pietäh kilpailu, kumpasen tarkotukšena on valita Karjalan paraš käsityömuasteri šekä löytyä etnokulttuuriperinnön šäilyttämiskeinoja.
– Kilpailun rajoissa projektin toteuttajat ruvetah ajelomah Karjalan piirijä myöten, vaštautumah šielä paikallisien muasterien kera, eččimäh alan proplemoja ta yrittämäh ratkaissa niitä, kerrotah Karjalan kulttuuriministerijön lehistöpalvelun spesialistit.
Šamoin kilpailun ošanottajilla järješšetäh muasteri-oppija, kumpasissa kerrotah mitein popularisoija omie käsityötevokšie sosialimediašša.
Projektin lopušša valmissetah Karjalan etnokulttuuriperinnöllä ta nykysellä disainilla omissettuja materialija. Projekti šai rahotušta Kulttuurialottehien presidenttišiätijöštä.