Kaikuččele Karjalan eläjale pidab teta Anna Lisicinan urohontegos
Suomlaiž-ugrilaižiden rahvahiden liga-sebran projekt vägesti Karjalan pämehen grantoiden konkursas. Projektan nimi om ”Vepsän rahvahan tütär”, se om omištadud Sovetskijan Sojuzan Gerojale Anna Lisicinale. Täl vodel hänele täuduiži 100 vot sündundaspäi. Projekt todenzoittas eloho 14. päivähasai vilukud 21. päivähasai kül’mkud.
─ Projektan avaidusen planuičem tehta Anna Lisicinan kodimal – Kalages. Projektaha mülüba melentartuižed azjad. Niiden keskes: monospektakl’, miččen päroliš linneb Aleksandra Aniskina, ”Nece oli Karjalas”-pjesan lugemine, kalendar’ vodeks 2023. Linneb konkurs, miččehe voiba ühteta kaik, ken midä-se tedab i muštab Anna Lisicinan polhe, kel om vanhoid fotokuvid, sanub üks’ projektan ohjandajišpäi Anna Anhimova.
─ Tahtoim, miše projektan ühtnikoin oližiba nored, sikš ku hö ei tekoi, ken nece om Anna Lisicina, kut ozuti meile küzeluz.
Edel om äi radod. Anna Lisicinan urohontegos pidab teta kaikuččele Karjalan eläjale, miše Venämal-ki hänen nimi oliži tutab.
