Karjalan kanšallini teatteri ottau käyttöh ruavon uušie muotoja vierahien ta kaččojien kera. Uutena kehotukšena on virtualini retki, kumpani kertou kaččojalla mitä tapahtuu kulissien takana, teatterin ruavon erikoisukšista ta spektaklien valmistelušta.
– Teatteri on elävän keškuštelun ala ta myö emmä taho vaihtua šitä virtualisella. Teatteriretki-projektin tarkotukšena on šynnyttyä uušie tuntehie teatterin ymmärrykšeššä. Šiinä autetah kolme asieta: virtualini tovellisuš, teatteriesityš ta vaštautumini projektin luatijien kera, šelitettih opašretken järještäjät.
Teatteriretki-projektin toisena tärkienä ošana on VR-retken esityš Karjalan piirien eläjillä. Niise järješšetäh luovie vaštautumisie näytelmän ohjuajan Andrei Dežonovin ta romanin kirjuttajan Dmitrii Novikovin kera.
Teatteriretki-projektie toteutetah Presidentin šiätijön grantilla. Šitä ennein VR-teknologijua käytettih Kalevala-spektaklin luatimisešša.