“Turiada” kuččuu opaštumah retkien johtajakši
Turiada-projektin valmistama kuršši turistiretkien johtajilla alkau 16. oraškuuta ta jatkuu 1,5 kuukautta. Šen aikana aktiivisie halukkahie opaššetah mitein valmistua matkua ta viettyä šitä. Šelitetäh, mitä on luajittava ta muissettava, jotta retki mänis turvallisešti ta šen ošanottajilla olis mukava šiinä.
— Nyt Turiada-projekti on aktiivisešša kašvušša. Myö šuamma äijän anomukšie halukkahilta männä retkeh, ka meilä ei riitä ihmisie, ken vois niitä järještyä ta viettyä. Šentäh ni piemmä opaššušta, šelitettih projektin vetäjät.
Joka halukaš voipi työntyä anomuš ošallistumiseh, ka kurššin järještäjät valitah ošallistujiksi rajotettu miärä ihmisie.
Turiada-projektie toteuttau yheiskunnallini järještö “Karjalan urheiluturismin liitto” vuuvvešta 2019 alkuan. Šitä kannattau Presidentin granttišiätijö.
Lisyä tietuo voipi šuaha “Turiadan” nettišivulta šekä VK-šivulta.
