Karjalašša mečäššä ropivon virittämiseštä ihmiset voijah šuaha šakko – 40–50 tuhatta rupl’ua. Šiäntö on voimašša tulipalojen vuarallisella kauvella, kumpani on ilmotettu Karjalašša oraškuun 20. päiväštä alkuan.
— Ei šua šytyttä tulta mečäššä ta niise lepopaikoilla, kešämökkilöillä ta omakotitalojen pihoilla. Ihmiset voijah käyvä mečäššä, ka joka piirissä meččyä tarkissetah meččähoitolaitokšien ruatajat, šanotah luontoresurssien ta ekologijan ministerijöššä.
Täkši päiväkši Karjalan mečissä oli 11 meččätulipaluo, niijen pinta-ala oli 27,58 hehtarie. Ministerijöššä muissutetah, jotta tulipaloturvallisuon rikkomini on 70 % tulipalojen šyynä.