Läheneb advent – aig, mitte zavodiše nelläs nedališ edel Joulu-praznikad (ortodoksižes uskondas – Raštvod). Petroskoin Pühän Hengen lüterilaine pühäkodi vaumičese Joulu-päivikš. Necil aigal siš mäneba erazvuiččed azjtegod.
Jo 11. da 23. päivikš tal’vkud om planuitud DROLLS-gruppan ezitused, lüterilaižen pühäkodin hor pajataškandeb joulu-gimnoid. Ližaks, pühäkodiš mäneba erazvuiččed mastar’-klassad aigvoččile i lapsile da mastariden jarmark.
— Jarmarkal linneba pühäkodin kävujil tehtud muštlahjoid: čomitesid, kudotud tavaroid i äi tošt. Pühäkodin toižel žirul om sija, kus voib raha-andmižil ostta hüväs olos vanhoid sobid da veššid, sanub pühäkodin azjtegoiš tedoiden andai Al’ona Šonina.
Joulu-päividen tegijad uskoba, miše nene vastused lahjoičeba ristituile praznikališt il’mad. Tarkemba azjteos voib lugeda täs.