Petroskoin lapsed varastaba Pakaižukod. Hän iče ozateleb Karjalan pälidnan eläjid Uden vodenke.
Pakaižuk Sures Ustjugaspäi tuleb adivoihe Venäman lidnoihe. 9.vilukud se tuleb Petroskoihe. Pakaižukon pojezd om matkas 41 päiväd, se om adivoiš 36 lidnas da 31 Venäman agjas. Praznikpojezd lopib ičeze matkad Vanhad ut vot kanman Sures Ustjugas.
― Jogahižes lidnas, kus pojezd seižutase, planuitas melentartuine programm lapsiden täht da ozuteliz pojezdan mödhe. Programm zavodiše vokzalan avoinirdal 20 minutad edel pojezdan tulendad, sanuba Petroskoin raudtevokzalan radnikad.