Eklein starttasi Kanšallisukšien aseita hoitajan federalisen toimiston VI kanšainvälini Venäläini sivilisatijo -valokuvakilpailu. Kilpailu on ilmotettu Venäjän Federatijon valtijonohjelman “Valtijollisen kanšallisušpolitiikan toteuttamini” rajoissa kanšallisušvälisien šuhtehien lujentamista varoin.
— Viime vuotena valokuvakilpailuh otti ošua yli viisituhatta henkie muailman 77 muašta, kumpaset työnnettih kilpailuh 22,5 tuhatta työtä. Toimenpito yhistäy valokuvuajie Venäjän eri alovehilta šekä koko muailmašta. Vuosi vuuvvelta kilpailu tulou yhä šuosituimmakši, kertou lehistötiijotukšešša Federalisen toimiston varajohtaja Arina Jamkova.
Venäläini sivilisatijo -valokuvakilpailuh voijah ottua ošua kuin ammatilliset, niin ni harraštajat yli 18-vuotiset valokuvuajat. Šajekuun 5. päiväh šuaten jokahini ošallistuja voit työntyä kilpailuh enintäh viisi valokuvua, kumpaset on otettu 2016—2022 vuosina.
Kilpailušša on kuuši nominatijuo: “Ainutluatuni luonto”, “Nävöt ta šukupolvet”, “Šuuren muan perintehet”, “Arhitektuuri ta kuvanveštotaito”, “Henkelliset kiinittimet”, “Monikanšallini Moskova”. Tänä vuotena enšimmäistä kertua kilpailuh voijah ošallistuo ni 7—17-vuotiset koululaiset. Heitä varoin on erikoini Lapšen kačahuš -nominatijo.
Valokuvakilpailun tulokšien mukah ammatillini arvoštelijakunta ilmottau parahat työt. Voittajie palkitah Rahvahien yhtenäisyön päivän kynnykšellä Moskovašša.
Lisyä tietuo luve Venäläini sivilisatijo -valokuvakilpailun saitilla.