Taidehmuzei vaumičeb ičeze programmad ”Muzejoiden ö”-akcijaks. Kuviden ozutelused, pirdandan mastar’-klassad da fil’moiden ehtad varastaba kaikid tahtnikoid. Mugažo necil päiväl, 18:00–23:00 časuhasai, Taidehmuzejas planuitas ”Lämoin ečmižes”-online-vänd, mitte om tehtud muzejan ”Kalevalan mail’m”-ozutelusen pohjal.
—Kalevala-eposan henged Väinämöinen da Ilmarinen läksiba ecmaha Päiväšt da Kud, miččed om peitnu ristituišpäi vanh ak Louhi. Vändon ühtnikoile pidab abutada heile löuta da pördutada niid taivhaze. Adivoile pidab kävutada kaik ičeze tedoid da sädandmahtoid, sanub muzejan radnik Julia Aprodu.
Tö voit tehta ičeze joukun i ühteta online-kvestaha ühtes. Joukus voib olda 1-7 ristitud. Sen täht, miše ühteta vändoho, pidab kirjutada Tahdehmuzejan Vkontakte-gruppaha. Kaik tegendan voib löuta Tahdehmuzejan Vkontakte-gruppas 18:00–23:00 joga 30 minutas. Vändon lopus ičeze vastused pidab oigeta Tahdehmuzejan radnikoile. Kvestan vägestajiden nimed tedištadas jo 15.semendkud 00:00 časuhasai.
Kirjutadas voib telefonan mödhe 63 38 00.