Vastused, ozutelused da mastar’-klassad varastaba kävujid udes vodes Petroskoin taidehmuzejas. Muzejaha voib tulda lapsidenke, ühteta mastar’-klassaha da sada äi hüvid melid. Ozutesikš, ”Pakaižukan paja” linneb avaitud ristituiden täht 2.-8.vilukud.
―Voden augotišes, lebupäivil ristitud tahtoiba mänetada aigad ühtes. Meiden muzei taričeb kanzoile da kaikile tahtnikoile sada uzid mahtoid mastar’-klassoil, sanub Taidehmuzejan radnik Julia Aprodu.
7.vilukud om Raštvoiden koncert. Sille voiba tulda kaik muzejan kävujad. Johtutam, miše ristitud, kudambil om Puškinan kart, voiba sada biletad VMUZEI-portalal.
Mastar’-klassoiden aigmärad voi löuta täs.