Kelen, literaturan da istorijan institutale täudub 90 vot
Venäman akademijan Karjalan tedokeskusen Kelen, literaturan da istorijan institut om vanhemb Karjalas da üksjäine meiden valdkundas akademijan institut, mitte oppib gumanitarišt tedod.
– Nügüd' institutas radab koume erištod: istorijan, arheologijan, kelen, etnografijan, literturan da rahvahaližen runotusen erištod. Joga voden mö kävelem tedoekspidicijoihe külihe, lidnoihe, kus eläba karjalaižed da vepsläižed, sanub Filologijan tedokandidat, institutan radnik Valentina Mironova.
Instutitut kaikuččel vodel pästab eloho läz sadad tedokirjutest, mugažo painab 10 da eskai 15 kirjad vodes. Nügüd' institutas radab enamb 50 tedomest. Heiden keskes om kahesa tedodoktorad, da 31 tedokandidat. Nügüdläižes epidemijan situacijas tedomehed ei voigoi vastatas, miše ühtes praznuita jubilejad. No jubilejaks vaumitas tedokonferencii Bubrihan nimel.
