Petroskoin konservatourien suures zualas 28. kylmykuudu pietäh Runoloi eččimäs -konsertu. Pidoh yhtyy erilastu muuzikkujoukkuo, sanommo, Oma Pajo -hora, Kanteletar-ansambli, Inkeri-hora, Pikkurilli-ansambli da toizii.
– Karjalazien runoloin vuvven aloh tazavallas piettih äijy hyviä piduo da konsertua, kudualoih rahvas mielihyväl yhtyttih. Runoloi eččimäs -konsertas Oma Pajo -horan artistat pajatetah runoloi da soitetah kandelehel, saneli Oma Pajo -horan pajattai Margarita Kemppainen.
Konsertu algavuu 18.00 aigua, pido on ilmaine.