Pitän šairaukšen jälkeh kuoli Koštamukšešša eläjä taiteilija Vitalii Dobrinin. Hiän šynty Uhtuošša, tuattoh šuku oli Akonlahešta. Nuorešta ijäštä alkuan Vitalii Dobrinin oli kiinnoštun taitehešta ta tykkäsi piiruštua. Hiän opaštu enšin Petroskoin taito-opistošša, šiitä Leningradin Gertsenin taitokorkiekoulušša, missä šai klassisen taitokoulutukšen.
Vitalii Dobrininin luovan ruavon keškipaikalla aina oli “Kalevala”. Taiteilijalla eepossa ei ollun ainuoštah mukavana starinana, hänen mualuamat šankarit oltih niin kuin tovellisešta elämäštä. “Kalevalan” kuvih hiän on ikuistan muajilman šynnyn šekä henkilöhahmoja.
Taiteilijan lukusie näyttelyjä oli järješšetty Karjalašša šekä Šuomešša, Ruočissa, Alankomaissa, Ranškašša. Vitalii Dobrininin anšijošta Koštamukšešša avattih lapšien taitokoulu, kumpasen johtajana hiän oli monta vuotta.
Myöhemmin ilmotetah, konša Vitalii Dobrinilla voipi šanuo viimeset jiähyväiset.