Kielispesialistit: Karjalan kielen pelaštamiseh on vähän aikua
Tverin Gor'killa nimitetyššä kirjaštošša kielispesialistit, viranomaiset, tietomiehet ta kieliaktivistit yritetäh löytyä vaštaukšie kyšymykšeh, mitein yheššä šäilyttyä karjalan kieltä. Pyörie stolua pietäh ofline ta online muuvvošša.
— Tverin Karjala on alkuperäni Karjala. Meilä on rikaš kulttuuri ta šitä näkyy, a mitä koškou karjalan kieltä - šitä kuuluu rikenempäh, kieli kuolou. Nyt meilä melkein ei ole aikua, jotta pelaštua elävyä karjalua, šano pyörien stolan moderattori Ol'ga Pavlova.
Vaštautumisen aikana karjalan kielen tilannehta kačellah eri puolilta: mitä ruatah šen šäilyttämisekši kylissä ta kaupunkiloissa, mitein šitä kehitetäh elämäššä ta internetissä, mimmosie alottehie käytetäh opaštumiseššä.
Järještyä tämän toimenpivon oli mahollista Venäjän kanšojen liiton projektin rajoissa, šen järještäjä on Venäjän tietoakatemijan Venäjän kanšojen kielien šäilyttämisen ta elvyttämisen tietokeškuš.
