On piässyh ilmoih Zergeyth-projektan karjalankieline Nyt-muuzikkual’boumu. Pajot ollah Atmospheric Black-Metal- da Folk-Metal- stiil’ua.
– Al’boumas on eri pajuo Karjalan histourien etuapois, omii tundoloi Karjalah, ga enne kaikkie kerrommo meijän muan nygözes aijas. Sendäh panimmo al’boumale Nyt-nimen, kerdoi muuzikkuprojektan piälimäine Sergei Nikiforov omal Vkontakte-sivul.
Pajoloin tekstat vienankarjalakse kiännettih Ol’ga Melentjeva da Marija Kundozerova. Projektah yhtyttihgi barabanoil soittai Roman Gubarik da Jevgenii Trefilov.
Muuzikkujoukon uuzii pajoloi voibi kunnella monil saitoil, sanommo, “Vkontakte”, “Yandex”, “ Apple” da toizil. Kaikkiedah “Zergeythal” on kaksi al’boumua, enzimäine niilöis piäzi ilmoih vuvvennu 2013 da sai Pajot Kezäs Kodoilas -nimen.