Karjalašša rakennetah kouluja
Koulujen rakentamini on huipulla tänä vuotena. Kuuši kouluo rakennetah kanšallisen Opaštumini- projektin rajoissa. Petroskoissa ta Kemissä koulujen rakentamini jatkuu. Derev’anka-kyläššä kohta puretah vanha koulu ta šen paikalla rakennetah uuši, miššä voit opaštuo 200 lašta. Tänä vuotena kouluja ruvetah rakentamah Šuojärveššä ta Karhumäeššä, nyt valmissetah rakennukšien projektija. Zaozerje-kylän koulu niise vuottau uuvvisušta, šielä rakennetah alkeisluokkien ošašto, tänä vuotena valmissetah asiepaperija šitä varoin.
– Uušien koulujen rakentamisen lisäkši meilä pitäy kunnoštua, korjata olomašša olijie kouluja ta niijen pihoja. Pitäy käyttyä kaikkie varoja, jotta parentua tiloja ta oloja, kumpasissa lapšet opaššutah, šano Karjalan piämieš Artur Parfenčikov.
Karjalašša avatah vielä 32 Kiehumispisteh-tilua, kumpasissa lapšet voijah kehityö, šekä šuaha apuo ammatin valinnašša.
Vaiheittain parennetah infrastruktuurie urheilualalla šekä šuunnitellah avata opaštajien ammattitaijon parentamisen keškuš ta enšimmäini koululaisien “Kvantorium”.
