5. kül’mkud mäni vepsän paginkluban vastuz, mitte oli omištadud Kalevala-eposan kändmižehe vepsän kel’he.
Kalevalan kogonaižen versijan kändi vepsäks vepsläine kel’tedomez’ Nina Zaiceva Vepsän kul’turan vodeks.
— Konz Elias Lönnrot kerazi tedomaterialad matkustades vepsän madme, hän sanui, miše pigai vepsän kelel niken ei pagiže. No vepsän kel’ nügüdehesai eläb. Minä meletan, miše pidab torata vepsän keles da nece Kalevelan kändmine om mugoine tora vepsän kelen tulijas aigas, sanub kel’tedomez’, filologijan tedodoktor Nina Zaiceva.
Nina Zaiceva tegi Kalevalan kändmižen vepsän keleks lapsile da norištole jo vodel 2003. Nece om lühetud Kalevelan versii.
— Mö harjenim kulda da pagišta vepsäks, no kirjutadud sana om kaikid kal’hemb, sikš minä zavodin-ki käta, jatkab Nina Zaiceva.
Kalevalan vepsläine versii planuitas painda tulijal vodel, mitte linneb Vepsän kul’turan voden.