Petroskoin Rahvahaline kirjišt taričeb ristituile lugeda Kalevalad ühtes. Miše ühtneda akcijaha, pidab tehta videorolik.
Karjalas zavodihe ”Lugem Kalevalan runoid ühtes erazvuiččiden mirun rahvahiden kelil” -kul’turakcii. Kogonaižen kül’mkun Karjalan valdkundan Kirjištoiden associacii ühtes Rahvahaližen kirjištonke tegeb akcijan, miččen pätegend om ezitada internetas Kalevala-eposan kändmižid erazvuiččil kelil.
― Mäni jo 185 vot siš aigaspäi, konz Elias Lönnrot kerazi runoid. Nügüd’ epos om tetab äjile rahvahile. Se om kätud enamb, mi 120 kelihe. Petroskoin Rahvahaližen kirjišton fondas om Kalevalan kändmižid 23 mirun rahvahiden kelil, sanub Rahavanaližen kirjišton radnik Alensandr Larionov.
Akcijaha voiba ühtneda Rahvahaližen kirjišton lugijad. Akcijan tegijad andaba ühtnikale runon, sid’ ühtnik iče valičeb kelen, miččel tahtoib lugeda Kalevalad. Sen jäl’ges pidab täutta pakičuz kirjišton saital.
Kaikile ühtnikoile pidab tehta rolikan valitud kelel da oigeta verkpočtale15.päivähasai kül’mkud.