Näyttelijä Julija Kuikka šai kunnivonimen korkiešta ammatillisešta meštaruošta ta šuurešta panokšešta teatteritaijon kehittämiseh.
– Miula on epyälömättä miellyttävyä ta arvokašta olla kunnivonimen kantajana, ka še niise lisyäy vaštuuta ta velvollisukšie. Pitäy šäilyttyä ta kehittyä taitojani. Voipi šanuo, jotta kunnivonimi antau potkuo täššä ruavošša. Nyt mie olen muamonlomalla ta kašvatan poikua, šamoin olen loman kynnykšellä ta pitäy šuaha voimie šen aikana, jotta šiitä tulla ruatoh uušien voimien kera ta innoššukšella alottua enši teatterikauven. Meitä vuottau muutoman enši-illan šekä Teatterin 90-vuotisjuhlan valmistamini, šano Julija Kuikka.
Julija esiintyy teatterin näyttelyissä vuuvvešta 2009 alkuan. Hänen luovašša kesselissä on kymmenie roolija venäjän, karjalan ta šuomen kelellä. Šen lisäkši artista ošallistu moneh taitoprojektih.
Onnittelemma Julija Kuikkua ta toivotamma hänellä mäneššyštä ta innoššušta!