Karjalan-, vepsän- da suomenkieline lapsienžurnualu “Kipinä” täyttäy 35 tänävuon sygyzyl. Sen kunnivokse žurnualan toimitus on ilmoitannuh hyvittelykartočkan kilvan.
– Kilbah voijah yhtyö lapset da aiguhizet, voibi azuo korti joukollehgi. Hyvittelykortinnu voi olla tavalline korti, video, pajo libo muu, mi tulou mieleh. Hyvittelyt voijah olla karjalan, vepsän, suomen libo ven’an kielel, sanou žurnualan piätoimittai Jana Filimonkova.
Parahat hyvittelykortit painetah žurnualah da sijoitetah Kipinän internet-sivuloile, niilöin luadijat palkitah.
Työndäkkiä omat hyvittelykortit syvyskuun 1. päivässäh 2021 Kipinä-lehten toimitukseh: 185610 Petroskoi, Titovan piha 3, perti 212 libo sähköpoštale kipina@rkperiodika.ru.