“Viisahat” urheilukentät ilmeššytäh Karjalašša
Tašavallašša varuššetah smart-kenttöjä urheiluo varoin. Vuotena 2022 Venäjällä starttuau uuši federalini Biznes-sprint (Mie valičen urheiluo) -projekti. Šen rajoissa oli šuunniteltu 110 “viisahan” urheilukentän rakentamini Venäjän 82 alovehella. Onnakko šuurien kanšainvälisien urheilukilpailujen lakkauttamisen takie kenttöjen ašettamiseh myönnetäh lisyä 2,4 miljardie rupl’ua.
Enšin Karjalašša meinattih rakentua kolme “viisašta” urheilukenttyä – Petroskoissa, Aunukšešša ta Lahenpohjašša.
– Myö ašetamma nellä smart-kenttyä, vielä yksi ilmeštyy Petroskoissa. “Viisaš” kenttä on ainutluatuni urheiluobjekti Wi-Fi-verkon kera. Ihmini voit skannata QR-koodin ta šuaha ohjeita virtualiselta valmistajalta, muuvvoštua harjottelujen ohjelman šekä tarkkual’l’a, oikeinko hiän šuorittau harjotteluja, kertou Karjalan opaššukšen ta urheilun enšimmäini varaministeri Anton Čivin Ministerijön VK-šivulla.
“Viisahie” urheilukenttöjä ruvetah ašettamah vuotena 2023, ka oštamah tarvittavua laittehistuo ruvetah jo nyt.
Harjotella smart-kentöillä šuahah ilmasešti kaikki halukkahat.
