Uz’ ”Kalevala”-eposan painuz läksi ”Periodikas”
11.01.2022
”Kalevala” lapsiden täht om pästtud “Periodika”-paindištos. Uded pirdatused da kuvad čomenzoitaba kirjan lehtpolid.
Nügüd’aigaližed kuvad čomenzoitaba painust da starinoičeba lapsile eposan hengiš. 12+ Kuva: Darja Švecova
Täl kerdal ”Periodika”-paindišt vaumišti uden ”Kalevala”-eposan painusen, miččen klassine tekst om udes taidehformas. Vodel 1953 Aleksandra L’ubarskaja kirjuti ”Kalevalan” tekstan ičeze sanoil lapsiden täht. Sid’ sidä paindihe udes äi kerdoid.
― Uz’ ”Kalevala”-eposan painuz venän kelel läksi eloho jo männuden voden lopus. Sen tiraž om 700. Kirjan lehtpolil om Petroskoin taidehpirdajan Dmitrii Dmitrijevan kuvid, sanub ”Periodika”-paindišton radnik Irina Šilinkovskaja.
Ezmäine ”Kalevala”-eposan painuz oli tehtud vodel 1835, konz runoiden keradai da oppii Elias Lönnrot pästi eloho ičeze kogonaižen tön, kus kerazi äi runoid. Niid hän kulišti da kirjuti matkoiš Karjaladme.
LIŽIÄ AIHIES
