Tänäpiänä alko vejen heitto Paljejärven vesivoimalašša
29.04.2022
Oraškuun pruasniekoilla šuau kaččuo mahtavua vesiputoušta.
Hirvas-paikka on tunnettu šillä, jotta šielä on muinaisen tulivuaran kratteri. Kuva: TGK-1 -lehistöpalvelu
Hirvakšen pos’olkan lähellä šamannimiseššа paikašša rupesi toimimah Karjalan šuurin keinotekoni vesiputouš.
Šen korkevuš on yli 30 metrie. Joka halukaš voipi tulla šinne ta nauttie ihanašta maisemašta, tärkeinta on muistua turvallisuošta.
– Vesiputoukšen kaunehutta ta šuurutta on kaikešta enemmän vejen heiton enšimmäisinä päivinä, ka kaččuo šitä šuau kuni heittuo ei lopeteta, korošti TGK-1 lehistöpalvelun spesialisti Arina Stepennaja.
Harvinaista ilmijyö šuau kaččuo vain kerran vuuvvešša – kevyällä. Šamoin lähellä on nähtävissä Suna-joven entini jovenniska.
Tämä ei ole ainut keinotekoni vesiputouš Karjalašša, esimerkiksi Belomorskin vesivoimala niise alko heittyä vettä.
LIŽIÄ AIHIES
