Täl kerdal ühtnikoile, kudambad kacujiden sil’miš opendaškandeba karjalan da vepsän kelid jo necin voden sügüzel, pidi antta vastusid erasihe jügedoihe küzundoihe: ”om-ik tarbhašt opeta Karjalan igähižiden rahvahiden kelid?”, ”abutab-ik neniden keliden tedo sinun elorados?” i muga edemba.
— Küzund ”kenenke om sidotud sinun johtutesid karjalan keles?” kosketi mindai. Minä meles pördimoi laps’aigaha, baban pertihe, sanub horeograf da hibuz’mastar’ Anton Kartašov.
Johtutam, miše ”Om-ik kebn sanuda?!”-projektad tegeb täl vodel Karjalan rahvahan sebr. Sen pätegendan om säta videourokad vepsän kelel da karjalan kelen kahtel paginal, miččed kingitaižiba ristituiden homaičust Karjalan igähižiden rahvahiden kul’turan da keliden kaičendaha. Muloi projekt oli tugetud Karjalan pämehen grantal.