Kylä: Markku Niemisen uuši romani on julkaistu Šuomešša

Kuhmošša piettih Markku Niemisen uuvven romanin julkistamistalaisuš. 0+ Kuva: Sergei Barbašin

Kirjailija Markku Nieminen on valmistan uuvven kirjan. Kylä-nimini romani kertou Vienan kylien eläjien kohtaloista.

Markku Niemisen uuvven romanin esityš piettih Kuhmošša 1. šajekuuta. Omašša tevokšešša kirjailija kertou vienalaisien kylijen ihmisien kohtaloista šekä šiitä, mimmoni šielä oli elämä neuvoštoaikoina.

– Työ alko vielä 80-luvulla, vain kirja tuli valmehekši vašta pari vuotta takaperin. Julkaisuprosessi alko viime kevyänä, šano Markku Nieminen kirjan julkistamistilaisuošša.

Kirjailija niise koroštau, jotta kirjašša käytetäh lyhyitä virkkehie, kerrotah vain tapahtumista, eikä šyvennytä tuntehih ta ajatukših, jotta lukijalla šyntyis omie tuntehie. Kylä-tevokšen julkaisija on Juminkeko-šiätijö.