Periodika-kuštantamon tiloih avatah lapšien Kičči-kočči -kehityšryhmä. Šiih otetah 7–10-vuotisie lapšie.
– Ryhmä rupieu toimimah ilmasešti. Lapšien miärä on rajotettu, ei enämpyä 16 henkie. Tuntija vietetäh kerta netälissä joka nelläšpäivä. Lapšien kera rupiemma laulamah, opaštamah kašvattija šoittamah eri šoittimilla, peluamah mukavih kehityšpelilöih ta tutuštumah karjalan kieleh. Lapšet ruvetah luatimah luovie tehtävie. Šuunnittelemma äijän mielenkiintosie aseita, ka emmä avua kaikkie šaloja, kertou karjalaisien, vepšäläisien ta šuomelaisien kieliresurssikeškukšen spesialisti Alina Kartinen.
Niise tuntien rajoissa vietetäh Mukava tunti -muasteri-oppija. Niih ošallistuu Petroskoin mukavie luovie ihmisie: musikanttija, horeograffija, artistoja, ohjuajie, tailteilijie šekä toisien ammattien etuštajie.
– Lapšien kera hyö toteutetah eri luomisprojektija. Haluomma, jotta lapšet tutuššuttais eri luovah toimintah, koroštau Alina Kartinen.
Enšimmäistä tuntie vietetäh 22. šyyškuuta Kieliresurssikeškukšešša.
Aihiešta voit lukie niise šuomekši ta venäjäkši.