Karjalan kouluih ta päiväkotiloih piäšet ilman QR-koodie
17.01.2022
Koronaviirussie vaštah tarkotettuo miäryä – QR-koodien käyttämistä kouluih ta päiväkotiloih piäšyö varoin – ei ruveta käyttämäh Karjalašša.
Karjalan kouluissa ta päiväkotiloissa kieltäyvyttih QR-koodien käyttämiseštä. Kuva: Uljana Tikkanen
Šemmoni piätöš luajittih operatiivisen laitokšen issunnošša. Karjalan tašavallan opaššuš- ta urheiluministerijön spesialistit šelitettih, jotta opaššušlaitokšissa, šamoin kuin koko Karjalašša on kollektiivisen immunitetin korkie tašo.
Šamoin issunnošša koroššettih, jotta koronatilanneh voipi muuttuo uuvven omikron-viirussin muuvvon takie.
– Liäkärit varotetah, jotta tuiskukuun alušša tulou enemmän läsijie, šentäh kun viirussin uuši muoto tarttuu helpommin. Nyt on vielä aikua, jotta luatie rokotuš ta šillä šuojella iččie, šano Karjalan piämieš Artur Parfenčikov.
Nyt tašavallašša on hyvä koronatilanneh, joka päivä rekisteröijäh vähempi 200 läsijyä.
LIŽIÄ AIHIES
