Uuzi kaksikerrokselline turistupoujezdu Moskova-Petroskoi-Sordaval-Viipuri-Moskova lähtöy Moskovaspäi piäteničän illal da tulou järilleh ezmässargen huondeksel. Uuzi maršruuttu ruadau syvyskuun 27. päivässäh.
– Poujezdumatku luajittih muga, ku turistat voidas nähtä Petroskoin da Viipurin nähtävyksii da kävvä Kižin suarele, Valamoh da Ruskeala-luondoparkah, on kirjutettu Ven’an raudutien saital.