Uuzi opastuskniigu roih valmis syvyskuukse
Uuzi opastuskniigu valmistetah Ven’an prezidentan Vladimir Putinan käskys. Se rodieu valmis uvvekse opastusvuvvekse.
— Vuvven 2025 syvyskuun 1. päiväs Ven’an školis 5.—7. kluasois rodieu uuzi urokku “Meijän kodirannan histourii”, urokku rodieu kerdu nedälis, sanou Karjalan opastundu- da sportuministru Roman Golubev Karjalan piämiehen lehtistöpalvelule.
Karjalan tazavaldu on yhtynyh Ven’an alovehien joukkoh, kudamat enzimäzinny valmistetah Meijän kodirannan histourii -opastuskniigat.
— Uvven opastuskniigan luadimizeh on annettu subsiidii federuallizes b’udžietaspäi. On jo hyväksytty opastuskniigan kirjuttajien joukko da opastuskniigan konseptsii, sanou Roman Golubev.
Opastuskniigan kirjuttajien joukkoh tuldih histourien tutkijat, Petroskoin valdivonyliopiston opastajat, Karjalan školien parahat opastajat.
