Runopajoloin muailmu -brošuuru on omistettu Karjalazien runoloin vuvvekse, kudai piettih Karjalas vuvennu 2021. Brošuuru on tarkoitettu kaikile, ken tahtonou tiediä enämbän karjalazien runolois.
– Meil puaksuh mennäh segai “Kalevala” da karjalazet runot. Täs brošuuras on selgiesti kirjutettu runoloih näh karjalan kielel, saneli Karjalan Kielen Koin piälimäine Ol’ga Gokkojeva.
Karjalan tiedokeskuksen Kielen, literatuuran da histourien instituutan tutkii Valentina Mironova omas tiedokirjutukses sanelou runolois, kuduat on kirjutettu kalevalalazen metriekan mugah. Tutkii sanelou runoloin histouries, eričyksis dai erilazis juondehis. Kniigazes ongi anukselazen Valentina Lebertsovan Matkustandu runoloin muailmah -spektaklin tekstu.
Julgavo čomendettih Karjalan taidoilijat: Ol’ga Ikkonen, Ilja Padčin, Ol’ga Bondareva da muut. Net čomazet jo sai nähtä Karjalazet eeppizet pajot -ozuttelus, kuduan avajazet piettih Karjalan Kielen Kois sygyzyl 2021.
Brošuuru on valmistettu Pohjanmaa-Karjala-liiton da M. A. Castrénan seuran kannatuksel. Julgavo voibi suaja Karjalan Kielen Kois, se maksau 400 rubl’ua.