Uz’ ozuteluz tehtas V. Šekspiran “Romeo i Džuljetta” -pjesan motivoiden mödhe. Klassižen süžetan al’ternativižen versijan kirjuti dramaturg Piterišpäi Elina Petrova. A ozutelusen ohjandai om moskvalaine Maksim Sokolov. Hänen idejan mödhe ozutelusen henged hüvin el’gendaba toine tošt kacmaha sihe, miše pagižeba erazvuiččil kelil.
— Minai om kaks’ rolid neciš ozuteluses. Molembiš roliš pagižen vepsäks. Nece om tundmatoi kel’minun täht. Se om jügedahk. Ozutesikš, üks’ minun rolišpäi om Montekki. Necil hengel om kova taba, a vepsän kel’ kulub, minun melen mödhe, lujas pehmdas, starinoičeb teatran akt’or Aleksei Belov.
Mugažo udes ozuteluses vepsäks pagižeskandeb akt’or Dmitrii Ivanov, kudamb vändab Tibal’tan rolid. Ližaks, spektakl’al voib kulištada venän, suomen, tataran, marin kelid da karjalan kelen pohjoižpaginad.
Uzištoid neciš temas voib lugeda mugažo suomeks da venäks.