Kieretti. Matkuštamini Karjalan unohetulla pohjosella -valokuvanäyttely oli Kieretti – Venäjän pohjosen helmi -tutkimušprojektin viimesenä tapahtumana. Šen luatijat ollah filologijan instituutin opaštujat Matvei Kipruškin ta Anastasija Petrova.
— Näyttelyššä myö valokuvuajan Kipruškin Matvein kera tahtoma näyttyä paikan istorijua, kumpani on unohettu ta meijän mieleštä še ei ašniče olla unholašša. A omie tuntehie ta Kieretin kylän istorijua mie kirjutin nelläššä kirjutukšešša “Kieretin kynnykšen takana”, šano näyttelyn tekijä Anastasija Petrova.
Näyttelyn avajaisien jälkeh oli pietty keškuštelukerho, kumpasen teemana oli “Onko Karjalan elämättömillä kylillä tulovaisutta?”. Omua mieltä täštä kyšymykšeštä šanottih filologijan tietojen kandidatti Natalja Šilova, filologijan instituutin 4. kurššin opaštuja Anastasija Petrova, Karjalan elokuvaliiton johtaja Aleksei Babenko ta Karjalašša tunnettu valokuvuaja Ilja Timin. Jokahisella heistä on mukavua kokemušta, kumpani liitty karjalaisih kylih ta košketukšie Karjalan tyhijih kylih. Šiitäki hyö ni kerrottih pakinan aikana, juattih toini toisilla omie ajatukšie.
Näyttely rupieu toimimah 16. talvikuuta šuaten. Projektin tulokšista voipi lukie täššä.