Valtijollini Duuma hyväkšy laki ei-ainehellisen etnokulttuuriperinnön popularisoinnista ta šäilyttämiseštä. Lajin tarkotukšena on antua oikeutta šuaha kulttuuriarvoja šekä šäilyttyä ta kehittyä omua kultturista omaperäisyttä.
— Ei-ainehellini kulttuuriperintö kantau iččieššä tärkeimmät kulttuurikehitykšen piirtehet ta ominaisuot. Kehitykšeššä näkyy, mimmoni on kanšojen ta etnisien ryhmien istorijallini taival ta mitein še heijaštuu nykyaikasešša elämäššä, on kirjutettu lajin šelityškirjutukšešša.
Lajin mukah miärätäh šuhtehie ei-ainehellisen perinnön löyttämiseššä, käyttämiseššä, šäilyttämiseššä ta popularisoinnissa, jotta kanšojen etuštajien oikeuvet oltais šäilytetty.
Niise lajissa on termistö, kumpani koškou kulttuurialua. Šeki rupieu antamah oikeukšie federallisen ta alovehellisen tašon laitokšilla. Lajissa on kirjutettu mimmosien periattehien mukah käytetäh Venäjän federallisen valtijollisen perinnön luvettelon infosistemie.