Marafonu: kirjuta sana tverikse!
Sanamarafonu algavui tänäpäi, 25. pakkaskuudu, da kestäy tuhukuun 21. päivässäh, kanzoinvälizeh Muamankielen päivässäh. Rahvastu potakoijah joga päiviä kirjuttamah mitahto karjalaine sana Lindu-kluuban sivule Vkontakte-verkos.
– Joga päiviä vallikkua mitahto karjalaine sana, kudai on teile tänäpäi mieldy myö. Kirjutakkua sana karjalakse da sen ven’ankieline kiännös. Vie ližäkkiä muudu kul’tuurutieduo, midä on sanakirjas: sanapolvi, mitahto sanondu da tiedo perindölöis da tavois. Mustakkua kirjuttua, mikse valličitto tämän sanan, sanou Lindu-tverinkarielan kluuban ohjuaju L’udmila Barhatova.
Sanoi pidäy vallita tverin murdehien sanakniigas. Kel ei ole tädä kniigua, voijah kaččuo sähkösty sanakirjua. Pdf-versii löydyy täs.
Sanakirjan oli luadinuh tverinkarjalan kielen tutkii Aleksandra Punžina. Sen luajindah tutkijal meni kymmenii vuozii aigua. Häi äijäh kerdah kävyi sanankeriändymatkoih Tverin Karjalan kylih, ylen puaksuh käveli jallai jygei magnitofonu keral. Sanakniigu nägi päiväzenvalgien Petroskoil vuvvennu 1994. Sanamarafonu on omistettu Aleksandra Vasiljevna Punžinan mustole.
L’udmila Barhatova on keksinyh sanamarafonan sikse, ku rahvas tiijustettas enämbän uuttu tverinkarjalastu sanua da suadas enämbän uuttu tieduo karjalazes kul’tuuras.
