Karjalan Kielen Kodi da Karjalan Sivistysseuru jullattih opastusnevvon
”ABČ. Шаг навстречу” – on kniigan ven’ankieline nimitys. Paiči ven’ankielisty valmistellah karjalan -da suomenkielizii vastinehii.
Opastusnevvon kirjuttajannu on lehtimies, kieliaktivistu Natalja Antonova, kudai vuvvel 2017 oli suattamas kielipeziä Karjalan Kielen Kodih Vieljärveh. Kniigan pohjannu roittih Nataljan kieli -da ruadonerot, ven’anpulizen Karjalan Kielen Koin da suomenpuolizen Karjalan Sivistysseuran yhtesruavot.
Kniigas paistah, kulleh omas perehes vojii allata paista lapsenke karjalakse, midä pidäy tiediä da ruadua, mi auttau täs ruavos, kespäi vuottua kannatustu, kui suaja kieliymbäristön koin ulgopuolel. Kniigan energietiekku kuhkuttau lugijua ellendämäh kirjutetun da luadimah askelen karjalan kieldy kohti, andau motivatsien da tuven.
Kniigukomplektah paiči opastusnevvuo kuuluu kaksi värikästu brošuurua. Ezmäzes sanellah, mibo se on kielipezä da mih niškoih sidä pidäy. Toizes brošuuras ezile on tuodu tiijot, kui lapsel stuanivuu kielelline kihitys da kui karjalan kielen kauti kehittyy aigaine kaksikieližys. Petroskolaine taidoilii Ilja Padčin pani täh kniiguuudizeh oman ruadovuitin.
Kirjuttajan Natalja Antonovan sanoin mugah, kirjutettu syväindö vois pätä toizilegi kieliyhtevyksile, kus tahtotah elavuttua hävii kieli, ei vai karjalazile.
Uudizen avajaizet pietäh 6.kylmykuudu zoomas. Vuotetah yhtymäh rahvastu ymbäri Karjalan tazavaldua da Suomie.
