Külän elo: Kalagen opendajad saškaba haugoid maksuta kut ende

Uden voden praznikoiden jäl’ghe opendajile todas haugoid. Kuva: Irina Sotnikova

Lapsiden kazvatajad, opendajad sidä kesken veteranad, kudambad eläba küläs, voiba sada erazvuiččid vällendusid, ozutesikš, sada tagazmaksun elektroväges da haugoiš. Aigemba kaikuččele Kalagen opendajale todihe mecanvedomašin haugoid maksuta kerdan vodes. Jo äi vot nece küzund om homaičemata, opendajad iče ostaba haugoid azjbumagoita.

Männuden voden lopus Kalagen školan pamez’ Svetlana Gotič ladihe Ladvan lespromhozan pämehenke toda haugoid opendajile, kelle niid pidab.

Miše sada tagazmaksun, pidab, miše lespromhoz mülüiži socialižen keskusen rejestraha, mugažo kvitancii maksus da nakladnii. Ladvan lespromhozal oma kaik azjbumagad, miččed andaba sille voimusen vedäda necidä radod.

— Nece küzund koskeb külän elod, no mugažo om tärged. Pidab tugeta nenid l’gotoid, miše ned kaiken oližiba aktualižed, i kävutada niid. Külänškoliš paksus ei täudu opendajid. Voib olda, nened l’gotad abutaba jätta norid opendajid külähä, sanui Kalagen školan pämez’ Svetlana Gotič.

Uden voden praznikoiden jäl’ghe opendajile todas haugoid. Kaik toivoba, miše nece ühthižtö jatktase vozikš.