Ohjuaja, Karjalan anšijoittunut kulttuuriruataja Valentina Saburova yhisti entisen Kalevalan kanšanteatterin artistoja MKŠ-teatteriryhmäh (“Muamon kielen šäilyttäjät”). Uuvven spektaklin valmistamiseh ohjuajua innoššutti karjalakši kiännetty kirja “Huoti-tiätä, kišša ta koira”. Eduard Uspenskin lapšiteoš karjalakši kiännettih Vuokkiniemeštä šyntysin olijat karjalan kielen tietäjät Valentina Karakina ta Ol’ga Karlova.
— Mie niin šuurešša ihaššukšešša luvin tätä kirjua. Kuin hyvin še on kiännetty, kuin elävä ta kaunis kieli. A kun mukavat šuutkat ollah, kuin ne kuullah meijän vienan murtehella, šano omie vaikutelmie Valentina Saburova.
Spektakli piettih KALEVALATALO-etnokulttuurikeškukšešša. Pieneh salih ei voitu mahtuo kaikki halukkahat, kumpaset tultih MKŠ-teatteriryhmän enši-iltah.
Kaččojat kotvan vuotettih vaštautumista lempiartistojen kera ta šamoin, kuin artistatki oltih šitä mieltä enši-illan jälkeh — jotta spetaklin ei šua olla viimesenä.