Tundištoitused Karjalan rahvahidenke jatktasoiš
”Kul’turine kod: Vodlajärv’”-projekt om Norišton projektoiden da tomotusiden sebran uz’ projekt, miččen tegend om tundištada norištod Karjalan subrahvahanke. Projektan päohjandai om Petroskoin universitetan radnik Natalja Kuznecova.
— Projektan pätegendan om süveta vodlajärvelaižiden subrahvahiden kul’turaha, eloho, istorijaha, sanub Natalja Kuznecova.
Projektan azjtegoiden keskez oma openduzprogramm lekcjoidenke Vodlajärven polhe, ekspedicii Vodlajärven puištoho da foto-ozutelusen tegend.
— Vodlajärvelaižed om rahvaz, mitte eli Vodlajärven randal da miččid nügüd’ jäi vähä. Jo XX voz’sadan augotišes oli enamba 40 külid. Necen rahvahan istorii da tradicijad kaičeba nügüd’ ičetahtnikad. Projektan satusen linneb foto-ozutelusen tegend, mitte ozutab Vodlajärven küliden nügüdläižen olon, jatkab paginad Natalja Kuznecova.
Projekt tehtas ”Ortodoksine tomotuz-2022”-rahvazkeskeižen grantoiden konkursan raha-abul. Miše ühteta projektaha, tariž täutta pakičuz 20. päivähasai semendkud.
Sada ližatedod projektas voib täs.
