Kalages eläb äi čomid tradicijoid. Üks’ niišpäi om suks’voibištelend. Se pidetas joga voden uhokus. Ajand suksil om omištadud Sovetskijan Sojuzan gerojale Anna Lisicinale. Sid’ kaikuččele eläjale om hüvin tutab partizanan Anna Lisicinan nimi. Hän sündui uhokun 14. päiväl vodel 1922 Kalag’-külähä. Kaikuččen kerdan nece sportazjtego keradab äi ristituid, kudambad tahtoiba ozutada ičeze mahtoid, eskai tuleba adivod toižiš külišpäi.
Necil vodel suks’voibištelend linneb 19. uhokud. Tradicijan mödhe Kalagen školas pidetas praznikkogomuz, jäl’ges openikad opendajidenke mäneba Anna Lisicinan pachanno, miše panda vencan, a sportvoibištelendan ühtnikad – hihtändsijale.
— Pandemijan taguiči necil kerdal ajandaha suksil voiba ühteta vaiše sijaližed eläjad, a mugažo eläjad susedkülišpäi: Šoutjärvespäi, Šokšuspäi, Kaskezaspäi.
Mugažo mö pätim tehta vajehtusid meiden sportazjtegos. Paiči suks’joksendad linneb völ voibištelend štarguil, sanub azjtegon sädai, likundurokan opendai Jelena Kirilina.
Miše ühteta suks’voibištelendaha, pidab oigeta pakičuz Kalagen školan počtale 17.päivähasai uhokud.