Projektan mugah rahvahallizen ruutan muasterit saneltah Karjalan eri kylien da linnoin eläjile karjalazeh ruuttah nähte – Suvi-Karjalan da Vienan Karjalan ruuttien erolois, kui sobii da ruuttii piettih, kui ommeltih, kui kangastu suadih, mittumii čomenduksii pandih ruuttah da muga ielleh.
– Vastavuksile kerdyy äijy rahvastu, enimite niilöi, kudamat käytetäh karjalazii ruuttii omas ruavos, sanomo, pajattajat libo artistat, hyö suajah oigiedu tieduo ruuttah nähte, opastutah pidämäh perindöllizii sobii oigieh. Puaksuh karjalazii ruuttii pietäh viäräh, sendäh tämä projektu on hyvä da opastai, sanou Kondupohjan matkah käynnyh karajalazen ruutan muasteri Margarita Kemppainen.
Projektan mugah karjalazis ruutis jo saneltih Kondupohjan da Priäžän eläjile. Tulien vuon projektu jatkuu.